尼泊爾珠峰滿佈垃圾 國家派軍人代替雪巴人清理

世界第一高峰珠峰Everest,每年為尼泊爾帶來數以億萬計旅遊經濟。不過同時間,多人登山,造成山上堆積唔少垃圾。尼泊爾為咗清理山上垃圾,保育Everest,近日宣佈決定派出一支軍隊登上8,848公尺高峰之上,清理35,000公斤垃圾。不過新聞一出,就得到唔少反對聲音,因為珠峰一向係原住民雪巴人嘅地頭,今次國家竟然唔聘請雪巴人反而派軍隊上山,令人擔心軍人能力未必可以順利登頂完成任務。2019年就有11人因登山而死,就算訓練有素嘅軍人,一樣係屬於極度困難嘅任務,甚至被稱為「只有雪巴才能完成的任務」。曾24度登頂嘅雪巴人Kami Rita就話,軍人最後可能只會於山腳下執垃圾。不過都有聲音話雪巴人平日依靠做導遊帶人上山維生,其實本身都有份遺下垃圾,如果到頭來政府要出錢畀雪巴人上街執垃圾,可以話講唔過去呢,大家又點睇?

About the Author

Leave Comment

电子邮件地址不会被公开。 必填项已用*标注

客服软件
live chat