科莫多龍受威脅 當地官員想封閉全島禁止遊客

全球僅餘下3千幾隻嘅科莫多龍,被稱為恐龍嘅後代,佢哋只生存於印尼科莫多島嘅4個小島之上,可以話係單一生態環境嘅生物。由於歷年都有好多遊客前嚟科莫多島,為咗睇呢種古生物一面,印尼的確嫌咗唔少錢;不過帶嚟嘅問題係,過度嘅開發及遊人太多,同時侵蝕緊科莫多龍嘅居住空間。島上官員早前就向印尼政府提議,為咗保留科莫多龍嘅喘息空間,希望可以暫時封島,休養生息。不過印尼政府嘅算盤就唔係咁打,正推出「印尼十島」嘅觀光宣傳計劃之中,科莫多島係其中一個主要推廣嘅島嶼之一。除咗科莫多龍,其實呢度仲係浮潛及潛水天堂,不過同樣因為遊客過多,令海洋垃圾激增。其實自2015年以嚟,當地遊客數目增加咗5倍!當地嘅配套根本難以負荷,難怪對當地生態造成咁大破壞啦!

About the Author

Leave Comment

电子邮件地址不会被公开。 必填项已用*标注