駱胤鳴獲男友再補浪漫求婚 太驚喜反惹猜疑:擔心佢會出軌

組合「SiS樂印姊妹」成員駱胤鳴(烙印)早前宣布正式成為準人妻,將會在12月與拍拖5年的圈外男友「哈士彬」拉埋天窗!雖然烙印曾在IG分享男友用麥樂雞盒求婚的過程。但可能過程過於簡單,「哈士彬」竟然在日前再給烙印補上一個驚喜求婚,相當浪漫!

「哈士彬」日前在迪士尼樂園安排了一場夢幻求婚,但烙印接受《香港01》訪問竟然講道:「我覺得我哋結唔成婚㗎喇!(下,點解呀?)佢咁樣呃我喎,騙子。」「哈士彬」接着淡定地說:「故事係咁嘅,其實我叫咗Mayanne(麥美恩)約佢哋去迪士尼玩,仲叫埋佢(烙印)問我去唔去,因為有免費飛,但我就話唔得呀,嗰日要返工。咁佢(烙印)就好開心同許文軒同Mayanne去玩,仲諗住自己做佢哋嘅煙幕。」

而當Mayanne照住「哈士彬」的指示,安排烙印與卡通人物合照時,「哈士彬」就突然現身帶上玫瑰花上前求婚。而他們更笑言:「現場最搞笑係啲人以為許文軒向Mayanne求婚,點知攞住札花係我。當時真係好緊張,都唔知自己講咗啲乜,因為得3分鐘,又唔想阻住後面排隊影相嘅人,所以係好慌亂嘅情況下完成,冇乜記憶。」

烙印更笑言整個過程只得一下嘅感動,她稱:「當時好多唔識嘅人衝上嚟,越嚟越多人所以我好驚。因為我好驚俾人圍住,之後就好驚好驚,想快啲快啲,所以有一下感動,之後就冇咗,又開始嬲。(嬲咩呀?)佢呃我囉,之後就一路問,原本個個都知連米奇都知,得我唔知。之後又諗,做咩唔叫我着靚啲,又開始擔心點解佢可以呃到我又呃埋我身邊啲人,又擔心佢會出軌。」

點撃下圖睇全過程!

雖然求婚過程相當順利,但由於「哈士彬」未有事前告知未來外母而激嬲對方,「哈士彬」解釋道:「因為我見過太多都係喺屋企人嗰邊走漏風聲,所以就冇講,嚟緊都要買啲嘢上去氹返佢。」

About the Author

Leave Comment

电子邮件地址不会被公开。 必填项已用*标注

客服软件
live chat